CATABOLICI

CATABOLICI

apud Tertullianum de Anima, Fulgentium de Contin. Virgil. et Zenonem Veronensem, Filesaco, Selector. l. 1. Mathematici sunt, quasi Καταβουλικοὶ, a consulendo, sic dicti: Salmasio Spiritus, qui per arreptitios et energumenos futura praedicentes, cos deicere, adfligere, prosternere, quod Graecis καταβάλλειν est, consuevêre. Tres enim Deorum vel Daemonum species satis diserte his verbis facit recensetque Fulgentius, Nec illa, quae Dardanus in Dynameris, aut Battiades in Paredris, aut Campester in Catabolicis Infernalibufque cecinerunt: videl. Dynameros, Paredros, de quibus vide suô locô et Catabolicos, quos eosdem cum Infernalibus videtur facere Fulgentius, vel Campester potius, qui de his librum composuerat. Hi itaque vel ἀπὸ τοῦ καταβάλλειν, quod deicerent prosternerentque, quos Numine suô implebaut; vel ἀπὸ τῆς καταβολῆς, h. e. accessione et afflatione cum impetu; quod derepente irruerent et vates suos corriperent, spirituque implerent fatidicô, nomen invenêre. Καταβολὴ enim ἐπίπνοιαν Θεοῦ καὶ κάθοδον seu κατοχην` daemonis significat, teste Polluce, l. 1. c. 18. Similiter καταβολὴ πυρετοῦ, accessio febris est, apud Medicorum filios. Vide Salmas. Notis ad Spartian. in Hadriano Caes.

c. 14.